Luk 19:45-48 | EweBEE | STEP | Azɔ Yesu ge ɖe gbedoxɔ la me eye wòde asi asiƒlelawo nyanya me.

Luke 19:45-48

Yesu nya nudzralawo le gbedoxɔ me

(Mateo 21:12-17; Marko 11:15-19; Yohanes 2:13-22)

45 Azɔ Yesu ge ɖe gbedoxɔ la me eye wòde asi asiƒlelawo nyanya me. 46 Egblɔ na wo be; “Mawunya gblɔ be, ‘Nye gbedoxɔ la enye gbedoɖaƒe’, gake miawo la mietsɔe wɔ fiafitɔwo ƒe nɔƒee!”

47 Le esia megbe la efia nu le gbedoxɔ la me gbe sia gbe, gake osɔfogãwo, agbalẽfialawo kple ame ŋkuta siwo le dua me la nɔ mɔnu dim bena yewoaɖe eƒe agbe ɖa. 48 Ke wo mekpɔ mɔ si dzi woato o, elabena ame sia me kloe lɔ̃e vevie eye eƒe nyawo sɔ tome na wo ŋutɔ.